Loiolako misterioak argitu dituzte
Loiolan argitu gabeko misteriorik ba al dago? Zergatik da eskulturarik ez duen auzo bakarra? Munstrorik ba al dago ibaian? Zer dira gabonetan auzoan agertzen diren peluxe horiek? Galdera horiek eta askoz gehiago argitu dituzte ‘Loiolako X espedienteak’ dokumentalean. Auzolanean egindako proiektua izan da, eta Mikel Pagadik izan dute laguntzaile, berak egin baitu gidoia. Euskararen egunaren harira, joan den ostiralean aurkeztu zuten Loiola kultur etxean.
