Jose Ignacio Munilla gotzaina; Jose Ramon Aramendi, Caritas Gipuzkoako zuzendaria; eta Kontxi Elexpe, Caritas Gipuzkoako zuzendaritza batzordeko kidea. (Argazkia: Estitxu Zabala)
, eta datozen sei hilabetetan hainbat jarduera egingo ditu, urtebetetze biribilarekin bat eginez.
Amarako Aterpe egoitzan egin du urteurrenaren aurkezpena Jose Ignacio Munilla Donostiako gotzainak: “Eskerrik beroena eman nahi diegu Caritasen lan egiten duten guztiei, eta euren laguntza eman dutenei”. Elkarteko beste bi kiderekin batera aritu da Munilla: Caritas Gipuzkoako zuzendari Jose Ramon Aramendi, eta Caritas Gipuzkoako zuzendaritzako kide Kontxi Elexpe. Guztien esanetan, ez da izango erakunde moduko ospakizun bat, eta eskerrak emateko erabiliko dute abendua eta ekaina bitarteko tartea.
Munillak gogorarazi du Elizaren karitatea ez zela duela 50 urte jaio: “Elizak 2000 urte daramatza karitatean lanean; Caritas sortu aurretik lana norbanakoen kargu zegoen, pertsonalagoa zen”.
Munillak elkartearen errepasoa ere egin du, 70. hamarkadatik hasi eta gaur egun arte egindako lana aipatuz: ijito komunitateekin egindako lana, drogen menpekotasunari aurre egiteko esperientzia, 90. hamarkadako krisialdian langabeei emandako laguntza… “Caritas ez da Elizak sortutako Gobernuz Kanpoko Erakunde bat,
Caritas Elizaren bihotza eta eskuak dira“.
Orain, azaldu dutenez,
Betleneko udalarekin akordio bat egin berri dute, eta bertako ospitale publikoarentzat 105.000 euroko inbertsioa egingo dute, dialisisa egiteko makinak erosteko: “Gaur egun tratamendua jaso behar duten %80 ezin jaso dabiltza, baliabide faltagatik”.
Momentuz, jarduera batzuk badute lekua eta eguna, eta horien berri eman dute:
- ABENDUAK 16-18. Urteurrenerako sortu duten logotipoa Kursaalen eraikinean proiektatuko dute.
- ABENDUAK 17. Inaugurazio ekitaldia egingo dute Kursaalen, 19:30ean. Irekia eta doakoa izango da.
- ABENDUAK 18. Eukaristia, Artzain Onaren katedralean, 18:00etan.
- MARTXOAK 16 ETA 17. Gizarte-ekintzaren erronkei buruzko kongresua, Tabakalean.
- EKAINAK 16. Caritasen bilerarekin bukatutzat emango dute urtemugaren ospakizuna.
