Larratxon larunbatean egingo dute San Tomaseko azoka

Estitxu Zabala

2016/12/14

Ohitura dute aspalditik Larratxon, San Tomas eguneko azoka egiteko. (Argazkia: Raul Perez)

Jai ederra egingo du Altzania Elkarteak, Larratxon, larunbatean. San Tomas eguna aitzakiatzat hartuta, azoka egingo dute, hainbat produkturen salmentarekin eta abereen erakusketarekin. Noski, sabelak betetzeko denetik izango dute: txistorra, taloa eta sagardoa. Gainera, musika izango dute giroa alaitzeko, eta, eguerdian, bertso saioa egingo dute, Unai Gaztelumendi eta Asier Azpirozekin. Ondoren, bertso bazkariaren txanda izango da, eta, gauean, kontzertuak ere izango dituzte. EGITARAUA:

10:00. Azokaren irekiera. Amorede, Kastillun eta Bordazar baserrietako abere eta hegaztiez gain, bertako baratzeetako sasoiko barazki eta produktuen salmenta.
13:00. Bertso saioa: Unai Gaztelumendi eta Asier Azpiroz.
14:00. Otarraren zozketa.
15:00. Bertso bazkaria, Altzania Elkartean. Babarrun jana egingo dute, eta txartelak 12 euroan eskura daitezke, taberna hauetan: Ipotx, Nido, Lanbroa eta Elizondo.
20:30. Kontzertuak: Guregan eta Desembragadores.