Supermerkatu bat irekiko dute Young Play zegoen lekuan
Belaunaldi askotako gazteen bilgunea izan zen diskoteka, eta nostalgiko asko utzi ditu.
Kartel handi batek iragartzen duenez, supermerkatu bat irekiko dute Galarretan. Young Play diskoteka egon zen lur horietan, 2006an betiko itxi zuten arte. Modako dantzalekua izan zen 1970, 80 eta 90 hamarkadetan; eta nostalgiko asko eta asko utzi ditu. Hori ikusteko, Facebooken diskotekak duen orria bisitatzea besterik ez dago, 3.100 jarraitzaile baititu.
Dantzaleku arrakastatsuaren garaiak oroituz, atzera begirako erreportaje zabala argitaratuko du IRUTXULOKO HITZAk, datorren ostiralean. Bien bitartean, orduko musikaz goza dezakezue.
