Dbus-eko Kurpil langileen elkarteak hitzaldia emango du asteazkenean

Hainbat jarduera eta mobilizazio antolatu ditu metroaren aurkako plataformak.

Lide Ferreira

2017/03/13

Koldo Mitxelenan izan da hitzaldia. (Argazkia: Aritz Sorzabal)

Beste hitzaldi baten irudia. (Argazkia: Aritz Sorzabal)

Datozen asteotan, Satorralaiak –Donostiako metroaren igarobidearen aurkako bizilagunen plataformak– hainbat jarduera eta mobilizazio egingo ditu, parte hartzea suatatzeko asmoarekin. Asteazkenean, martxoak 15, Dbus-eko KURPIL langileen elkarteak hitzaldi informatiboa emango du, eta metroaren pasanteak hiriko autobus zerbitzuetan izango lituzkeen eraginei buruz hitz egingo du. Hitzaldia 19:00etan izango da, Antiguako Lugaritz kultur etxean. Ostegunean, Gasteizera joango dira, Eusko Jaurlaritzan eta Legebiltzarrean elkarretaratzeak egingo baituzte. Autobusean izena emateko animatu nahi dute jendea, satorralaia@gmail.com helbidearen bidez. Martxoaren 20tik 26ra, berriz, auzoetan informazio banaketa bat abiaraziko dute, eta aurreikusi dute erakusketa informatibo bat prest edukitzea. Azkenik, apirilaren 1ean, larunbatean, manifestazio bat egingo dute, 12:00etan, Easo Plazatik abiatuta.