Urtzi Etxeberriari ongietorria Ferrerias plazan. (Argazkia: Hitza)
IRUTXULO.HITZA.EUS-en, azken zazpi egunetan bisita gehien jaso dituzten berriak.
‘Urtzi Etxeberriari ongietorria egin diote Amara Berrin’
Joan den asteburuan ongietorria egin zioten bere auzoan. Donostiarra aske geratu zen otsailean, Frantziako Uzercheko espetxetik atera eta gero.
‘Argentinara doa bertso pilota’
Duela lau urte hasitako emanaldia, lehen aldiz, Euskal Herritik kanpo eskainiko dute. Zazpi lagunek 15 eguneko bira egingo dute, Buenos Airestik hasita. Euskal etxeetan eskainiko dituzte saioak, abentura berri honetan. Joan den astean argitaratutako erreportajeak bisita asko izan ditu webgunean.
‘Eszena ikusgarria kaian’
Alli abajo telesaileko lan taldea Donostian filmatzen ibili da. Kaian filmatu zuten eszena batek ikusmira handia sortu zuen, Ertzaintzaren auto bat uretan murgildu zutela eta.
‘Bederatzi egunez euskaraz bizitzeko apustua egin dute’
Korrikak irauten duen egunetan euskaraz bizitzeko erronkari helduko diote Donostiako hainbat gaztek.
‘Gogoa eta jarrera ona ezinbestekoak dira’
Erretiroa hartu dute Donostia Ospitaleko langile izan diren Egiako Gurutze Garciak (Egia, 1953) eta Ana Marcosek (Egia, 1951). Euren lanbideaz eta esperientziaz esandakoa jaso zuen Irutxuloko Hitzak erreportaje batean, eta harrera ona izan du webgunean.
‘Gogotsu gaude jarraitzeko’
Urtebetez egunero 1.300 errefuxiaturi jaten eman ostean, Chioseko sukaldea itxi egin du Zaporeak proiektuak. Laguntza Grezia osora zabaltzen ari dira orain. Zazpi Garcia kideak boluntario gisa bizitakoa kontatu dio Irutxuloko Hitzari.
‘Denen artean erabakiko dute nola antolatu jaiak’
Rinoplastia Operazioa aurkeztu zuten asteburuan Egian. Porrontxo jaien beherakadari konponbide bat bilatzeko prozesua da, eta helburua da guztien artean antolaketa berri bat eraikitzea. Aurkezpenaren bideoa ikusgai dago webgunean.
‘Euskarak gero eta presentzia handiagoa du Wikipedian’
Gaur egun munduan dauden ia 7.000 hizkuntzetatik, soilik 300 daude wikipedian eta artikulu kantitateari begiratuta euskara 31. lekuan dago. Euskal Wikilarien Kultur Elkarteak emandako azken datuak jaso ditu Irutxuloko Hitzak.
