Egiako gazte mugimendua aktibatu nahi dute
Bihar egingo dute auzoko gazteen hirugarren bilkura, 11:00etatik aurrera, Plaza Haundin.
Duela hilabete batzuk, Egiako gazte batzuk bildu ziren, eta auzoan topaketa batzuk antolatzea pentsatu zuten: “Auzoetxearen garaitik, gazte asanbladak, eta, orokorrean, gazte mugimenduak beherakada izan du, eta horri buelta eman behar zitzaiola iruditu zitzaigun. Egiako gazteei eta belaunaldi berriei eskaini behar zaie aukera auzo mailan espazioak sortzeko”.
Bada, horren harira, bihar Egiako gazteen III. bilkura egingo dute, 11:00etatik aurrera, Plaza Haundin. Beste auzo eta herrietako ideia eta proiektu batzuk jada buruan dituzte, eta pentsatzen ari dira horiek nola ekarri Egiara. 
