Korrikarako prestatzen ari dira donostiarrak

Estitxu Zabala

2017/04/01

Datorren asteartean iritsiko da Korrika Donostiara. Bien bitartean, ordea, donostiarrak ez daude geldik egoteko prest, eta Korrikarako beroketa lanak egin dituzte asteburuan, auzo askotan. Intxaurrondon, 20 orduz euskaraz jarduera burutu dute; Loiolan, Zirkorrika ederra osatu dute Sustrai aisialdi taldearen eskutik; Parte Zaharrean, kantujira eta erraldoiak atera dira kalera… Korrika badator!