Familiarekin Jolasean programa Aietera zabaldu dute

Apirila, maiatza eta ekaineko egitaraua prest dago jada.

Lide Ferreira

2017/04/03

Familiarekin Jolasean programako irudi bat. (Argazkia: Donostiako Udala)

Astero, 5 eta 11 urte bitarteko haurrek aukera dute haur txokoetan guraso eta senitartekoekin jolasteko. Horixe da Familiarekin Jolasean programaren xedea, larunbatero, 16:30etik 18:30era, haur eta gurasoek elkarrekin jolastu eta arratsalde dibertigarriak pasatzea. Bada, apirila, maiatza eta ekaineko egitaraua prest dute. Programan jarduera ugari daude; tartean, tailerrak, txapelketak eta ikuskizunak. Egun berezien bueltan ere antolatzen dituzte jarduerak. Horren harira, ondorengoak prestatu dituzte:

Korrikaren inguruko jarduerak (Bidebieta, Egia, Gros eta Martuteneko haur txokoetan).
Munduko Baratza proiektuaren bitartez, Bidezko Merkataritza ezagutzeko aukera izango dute auzo guztietan.
Olatu Talka jaialdiaren barruan, Izarrak Plazara egitasmoa (Aiete eta Martutenen, haur txoko guztietako partaideekin).
Elkar-en eskutik, Sembra, ereite tailerra, Aieten.
Auzoko festetako jarduerak (Amaran, Bidebietan eta Intxaurrondon).