Sukaldanitzak egitasmoa abiatu du udalak kulturartekotasuna sustatzeko

Malen Aldalur

2017/04/07

bederatzi elkarte gastronomikok hartuko dute parte. (Argazkia: Donostiako Udala)

Gastronomiaren bidez kulturek elkar ezagutzeko egitasmoa abiatu du udalak: Sukaldanitzak. Hala, maiatzaren 13an hiriko bederatzi elkarte gastronomikoren laguntzaz herrialde ugaritako gastronomia ezagutu eta dastatzeko aukera egongo da.

Hauek izango dira parte hartu duten herrialdeak: Ekuador, Maroko, Kongo, Ukrainia, Bolibia, Mexiko, Ingalaterra, Eslovenia, eta Ijito herriarena. Izena emateko epea datorren apirilaren 10ean hasiko da eta maiatzaren 4an amaituko da.

Egitasmoa maiatzaren 13an egingo dute 10;30etan hasita eta, ondoren, 20 laguneko bazkaria egingo dute; 10 kide lantegiaren ardura duen elkartekoak izango dira, eta, beste 10, lantegiak antolatu dituzten beste gastronomia elkarteetakoak. Parte hartzea doakoa eta mugatua izango da, hortaz, izena eman ahala onartuko dituzte partaideak.Parte hartu nahi duten guztiek, izena emateko orria bete eta kulturaniztasuna@donostia.eus helbidera bidali behar dute, edo 943 481498 zenbakira deitu.

Partaideak

Gastronomia ekuadortarra: Casa Galicia / Asoc. Esperanza Latina
Gastronomia marokoarra: Kañoyetan / Jatorkin
Gastronomia kongoarra: Sociedad Loiolatarrak / Afrika Euskadi elkartea
Gastronomia ukrainarra: Txirain Kultur Elkartea / Ukrania-Euskadi
Gastronomia boliviarra: Esperanza CD / Asociación Mi Nuevo Potosí
Gastronomia mexikarra: Vasconia CD / Asociación Mestiza
Gastronomia boliviarra: Centro Burgalés Castellano / Camelamos Adiquerar
Gastronomia ingelesa: Amaikak Bat/ Mujeres del Mundo
Gastronomia eslaviarra: Zubi Musu / Vostok Ekialde