Maiatza eta ekainean Lurdes R. Basolik eta Jon Cazenavek argazkilari profesionalek eskainiko dituzte.
(Argazkia: Lurdes R. Basoli)
Oraindik
HidroLogikak egitasmoko egitaraua ofizialki ezagutzera eman ez duten arren, zenbait jardueraren izen ematea ireki dute jada. Tartean,
Lurdes R. Basoli eta Jon Cazenave argazkilari profesionalek emango dituzten tailerrak. Egitasmoak
uraren eta ibaiaren inguruko hausnarketa sustatzea du helburu, eta horiekin zerikusia izango dute argazkilariek eskainiko dituzten tailerrak. Informazio zabalagoa eskuratu edo
izena emateko, 943453526 telefono zenbakira deitu daiteke
edo cristinaenea@donostia.eus posta elektronikora mezu bat idatzi.
Lurdes R. Basolik iazko HidroLogikak-en parte hartu zuen, Danubiori buruzko hitzaldiarekin. Aurten, berriz,
El rio como retrato argazkilaritza tailerra zuzenduko du, eta bertan,
Urumea ibaia izango da protagonista nagusia. Tailerra
maiatzaren 5etik 7ra izango da, Egiako parkeko Ingurumen Baliabideen Etxean (ostirala 17:00-20:00 / latunbata 10:00-19:00 / igandea 10:00-13:00). Doakoa izango da eta beharrezkoa izango da argazki-kamera eramatea eta argazkigintzari buruzko oinarrizko ezagutzak izatea. Parte hartzeko interesa dutenek gehienez bost argazki bidali beharko dituzte
cristinaenea@donostia.eus posta elektronikora, hala egingo baitute aukeraketa.
Zianotipiara gerturatzeko
Ekainean, berriz,
Jon Cazenave argazkilari donostiarrak zianotipiaren mundura gerturatuko ditu partaideak.
Urdin Urumea izeneko tailerraren helburua da,
zianotipiaren prozesuaren bidez, irudiak lortzeko teknika ezagutzea.
Ekainaren 16tik 18ra izango da tailerra, Egiako parkeko Ingurumen Baliabideen etxean ere bai (ostirala 17:00-20:00 / latunbata 10:00-19:00 / igandea 10:00-13:00). Parte hartzeko ez da beharrezkoa aldez aurretik argazkigintzari buruzko ezagutzarik izatea.
