IV. Libre topaketak egingo dituzte maiatzaren 5ean eta 6an

Egitarauaren barruan IV. Libre lasterketa antolatu dute.

Lide Ferreira

2017/04/11

Beste urte bateko Libre lasterketako bi parte hartzaile, helmugara iristen. (Argazkia: Agurtzane Altuna)

ELEAK-Libre dinamikak antolatuta, maiatzaren 5ean eta 6an IV. Libre topaketak egingo dituzte, Donostiako Bulebarrean. Behin-betiko egitaraua zehaztu dute jada, eta, besteak beste, Mozal Legearen aurkako IV. Libre lasterketa egingo dute lehenengo egunean, ostiralarekin, 21:00etatik aurrera. Herrikrosa.eus webgunean eman daiteke izena jada. Maiatzaren 6an, berriz, egun osoko programa diseinatu dute, eztabaida, mahai inguruak, mobilizazioa eta festarekin. IV. LIBRE TOPAKETAK Maiatzak 5, ostirala.

21:00-22:30. Mozal Legearen aurkako IV. Libre lasterketa. Oinez ala korrika, Bulebarretik abiatuta. IRUTXULOKO HITZAren urtebeteko harpidetza lortuko dute lehen bi donostiarrek, eta komunikabidearen materiala zozkatuko da parte hartzaileen artean.
22:30-23:30. Grabatu Polizia egitasmoa: bideo emanaldia eta solasaldia egileekin.

Maiatzak 6, larunbata.

10:00-11:30. AKABeko euskal abokatuek prestatzen ari diren Mozal Legearen inguruko lan juridikoaren aurkezpena eta ELEAK-Libre mugimenduaren protokoloa. Eztabaida: Nola uztartu herri borroka (nagusia) eta borroka legala (osagarria) jokabide desobedientean.
11:30-12:30. Lurralde Askearen konpromiso liburuaren aurkezpena eta hausnarketa. Eztabaida: Nola martxan jarri konpromisoen inguruko lana.
13:00-14:30. Donostiako Agenda Sozialaren lanketa: nolako Donostia? Mahai ingurua. Hausnarketa kolektiboa: Erraustegia? Metroa? Zezenketak? Uliako lore baratzak? Prekaritatea? Okupazioa? Eskubide zibil eta politikoak? Internazionalismoa? Euskalduna? Feminista? Gaztetxeak? Turismoa?…
14:30-16:00. Pintxo bazkaria, elkarte eta tabernen laguntzarekin.
16:00-19:00. Euskal Herria Zadista eta Notre Dame des Landes (Bretainia) tailerra. Bretainiako egoera, ZAD proiektua, Euskal Herrian zer?
19:00-20:00. Mobilizazioa.
20:00-23:00. ASKEGUNE afari festa, duela lau urte Donostiako Bulebarreko Aske Gunean atxilotu zituzten eta egun batzuk lehenago kaleratu dituzten lau edo bost kideekin: proiekzioa, afaria, musika….