Trenak harrapatutako ekintzaileari babesa adierazteko mezuak zabaltzen ari dira sare sozialetan

Malen Aldalur

2017/05/17

Mozal Legearen aurkako pintaketa bat egiten ari zen ekintzaile donostiar bat harrapatu zuen larunbatean trenak Usurbilen. Ekintzaileari elkartasuna adierazteko pintaketak egin dituzte hiriko hainbat lekuan eta sare sozialetan ere elkartasun mezuak bidaltzen ari dira #MartinekinElkartasuna traola erabiliz.

Donostiako Eleak-Libre mugimenduko 15 laguneko taldea “EAJ, Mozal Legeari ez” zioen mezua pintatzen hasi zen trena iritsi zenean Usurbilgo geltokira. Antza, kide bat trenaren aurrean jarri zen puxika laranja batekin geldi egoteko esanez. Trena berriz abiatu eta aurrean jarri den pertsona zauritu du. Zauritutako laguna ospitalean dago oraindik.