Haurren Egia osatzen ari dira

Malen Aldalur

2017/05/19

Lore bat irudikatu dute. (Argazkia: Malen Aldalur)

Haurrak auzoan seguru eta gustura egoteko lanean ari dira hainbat bizilagun Egian. Hori dela eta, Olatu Talkari lotuta hainbat jarduera antolatu dituzte. Goizean goiz hasi dituzte jarduerak. Hasteko, haurrak eskolara joateko elkartzen diren lekuetan loreak margotu dituzte, ondoren, eskolako bidea erakusten duten seinaleak jarri dituzte, eta, azkenik, pegatinak jarri dituzte saltoki lagunetan. Horrela, haurrek eskolara bidean edozein arazo badute denda horietara joateko aukera izango dute. Goizean zehar Egia Hezitzaile proiektuaren baitan gauzatutako laberintua eraiki nahi zuten baina bertan behera geratu da eguraldi txarra dela eta. Kaleko lanak bukatuta, eta eguralditik babestuz, Tabakaleran elkartu dira Aitor ikastolako haurrak Lore Bizia irudikatzeko. Bihar ere hainbat jarduera egingo dituzte. 10:30- Yogina Maite Arreserekin. 11:00- 11:30 jolasak eta tailerrak Antxetarekin. 12:30- Donostiako Musika eta Dantza Eskolako Haur Banda Txikia 13:30- Trebeskarekin denok dantzara!

Azken bideoak