Antiguako euskal errepublikaren aldeko mugimendua sortu dute

Nerea Lizarralde

2017/05/31

Zergatik ez? mugimenduaren kartel bat Antiguan.

Antiguan Zergatik ez? izeneko talde bat sortu dute. Antiguako auzotar batzuek euskal errepublikaren alde sortu duten mugimendua da. Joan den abenduan elkartu ziren lehen aldiz, eta asteburu honetan bigarren batzarra egingo dute. Gainera, jendaurrean aurkezpena egingo dute larunbatean, 12:30ean, Gorgatxo plazan, Mikel Laboaren omenezko hormairudiaren aurrean. “Independentismoa ulertzeko modu diferentea eskaintzen dugu. Orain artekoarekin konparatuz bestelakoa eta potentzial handia duena”, adierazi dute ohar baten bidez. Antiguan sortu dute taldea, beste herri eta auzoetan ere talde gehiago sortzea lortu nahi dute. Euskal errepublikaren aldekotasuna auzotarren artean zabaltzea dute helburu, eta horretarako, auzotarrei eragiten dieten arazoen inguruko egitasmoak eta jarduerak egiten dituztela azaldu dute.