Ibaetan aisialdi taldean izena emateko epea zabalik dago

Baratza bertikala, txangoak, birziklatze erabilgarria, auzoaren ezagutza, jolasak eta bestelako natura jarduerak egingo dituzte.

Lide Ferreira

Ibaeta

2017/06/12

Aisialdi talde bateko jarduera bat, Ibaetan. (Argazkia: Belarretan)

2017-2018 ikasturtean zehar, Ibaetako aisialdi taldean parte hartzeko aukera ireki dute jada. Ibaetako Lagunen Auzo Elkartearen egoitzan elkartuko dira (Illarraberri kalea, 1), 17:30etik 19:30era, eta bi talde osatuko dituzte: bata, Lehen Hezkuntzako 1. eta 2. mailako haurrentzat, astearteetan; eta, beste bat 3. eta 4. mailako haurrentzako, astelehenetan. Bioaltza Natur Hezkuntzarako Elkarteari esker, baratza bertikala, txangoak, birziklatze erabilgarria, auzoaren ezagutza, jolasak eta bestelako natura jarduerak egingo dituzte. Ikasturte osoko prezioa 130 eurokoa izango da, eta izen emateak ekainaren 30era arte egongo dira zabalik. Informazio gehiago nahi izanez gero, 677 780 103 telefono zenbakira deitu daiteke edo bioaltza@gmail.com posta elektronikora idatzi.