Amara Berriko jaiak abian jarriko dituzte ostiralean

Ikasbide Kultur Elkarteak sustatuta, San Joan jaietako txupinazoa 19:30ean piztuko dute, eta adin guztietako herritarrentzako egitarau zabala egongo da.

Lide Ferreira

Amara Berri-Loiolako Erribera

2017/06/13

Amara Berriko jaiak. (Argazkia: Ikasbide kultur elkartea)

Amara Berrin aspalditik ospatzen dituzte sanjoanak. Ikasbide Kultur Elkartearen ekimenez, musikaz, dantzaz eta jolasez beteko dute auzoa asteburuan (ekainak 16, 17 eta 18) eta ekainaren 23an. Zehazki, San Joan bezperako antolaketaren ardura Berritsuk hartuko du, hau da, Amara Berriko euskara batzordeak. Hala, berritasun gisa, akelarre bat eta beste hainbat jarduera egingo dituzte. Erreportaje osoa ostiralean egongo da irakurgai. AMARA BERRIKO SANJOANAK Ekainak 16, ostirala

17:30. Haurrentzako jokoak (Amarako AEK-ren eskutik).
18:30. Txokolate jatea.
19:15. Elkarteko sarrerako muralaren inaugurazioa.
19:30. Txupinazoa.
20:00. Kalejira auzotik: buruhandiak eta erraldoiak. Ikasbide Kultur Elkarteko dultzaineroekin.
20:00. Txabol sotoaren irekiera.
21:00. Afari herrikoia (ogitartekoak, razioak…).
21:30-24:00. Musika DJ Ixak-en eskutik.
22:30. Zezen suzkoa.

Ekainak 17, larunbata

11:00. Diana Soinu Alai-eko soinu-joleekin.
11:30. Herri kirolak haurrentzat.
12:00. Zunba ikuskizuna Amara Wellness-en eskutik.
12:30. Toka txapelketa (haur eta helduentzat).
13:00. Paella lehiaketa.
14:00. Bazkari herrikoia (entsalada, paella, postrea, edaria eta kafea). Prezioa: 8 euro.
16:30. Mus txapelketa azkarra (gehienez, 16 bikote).
17:00-20:00. Haurrentzako puzgarriak.
17:30. Pailazoak: Gari, Montxo eta Joselontxo, Supituki antzezlana.
18:00. 6 eta 13 bitarteko umeentzako tailerrak, haur txoko eta gaztelekuaren eskutik.
18:30. Herri dantzak.
19:30. Eonian elektrotxaranga auzotik.
20:00. Txabol sotoaren irekiera.
21:00. Afari herrikoia (ogitartekoak, razioak…).
21:30-22:30. Disko festa umeentzat.
22:30. Zezen suzkoa.
22:45-01:30. Kontzertuak: Los Mc Gregor eta Los Perros de Pavlov.

Ekainak 18, igandea

11:00. Paella txapelketako finalak.
11:30. Kalejira auzoan zehar Ikasbide Kultur Elkarteko txistulariekin.
12:00. Ikasbide Ikastolako dantzarien emanaldia.
13:00. Ping-pong txapelketa.
13:00. Patata tortila lehiaketa (etxean egindakoak).
14:00. Elkartasunezko bazkaria, ZAPOREAK proiektuaren alde.
16:00. Futbol 3 txapelketa (6-15 urte).
17:00. Musika eta emanaldia: Juanlu Aranburu eta Jon Zubeldia.
19:00. Lehiaketa guztien sari banaketa.
20:00. Pintxo potea.

Ekainak 23, ostirala

19:00. Sorgin poteo musikatua (Ilunki elkartetik atera eta auzoan zehar).
19:30. Kantu jira kalez kale Ikasbide Kultur Elkarteko San Juan abesbatza eta txistulariekin batera.
22:30. San Joan sua: akelarrea, konjurua eta herri dantzak. Jarraian: kafea, kopa (helduentzako) eta zezen suzkoa.