Astebeteko gose greba hasi dute, erraustegiaren aurka protesta egiteko

Nerea Lizarralde

2017/06/14

Gaur arratsaldean hasi dute protesta, Easo plazan. (Argazkia: Erraustegiaren Aurkako Mugimendua)

“Erraustegiaren gezur handiaren aurka”, gose greba hasi dute sei lagunek Easo plazan. Jende andana joan da greba astebetez egingo duten lagunei babesa ematera. Karpa bat jarri dute, eta bertan izango dira egunero. Gainera, egitarau bat prestatzen hari dira, erraustegiaren inguruko hitzaldiak eta bestelako jarduerak egiteko. Grebarekin bat egiteko, edo karparen inguruan egingo dituzten jardueretan parte hartzeko deia egin du Erraustegiaren aurkako mugimenduak. Larunbatean giza katea egingo dute Easo plazatik Gipuzkoa plazara, 12:00etan. EGITARAUA: Ekainak 15, osteguna.

Hitzaldia. Pello Zubiria eta Joxe Mari Irazusta. Gaia: Zubietako erraustegiaren aurkako borroka eta alternatibaren eraikuntza.

Ekainak 17, larunbata.

Errausketaren aurkako giza katea, Easo plazatik Gipuzkoa plazara. 12:00etan.

Ekainak 18, igandea.

Munduko dantzak Easo plazan.