Albiste irakurrienak

Irutxuloko Hitza

2017/06/23

Chenoa Donostiako Aste Nagusian izango da, Saguesen.

IRUTXULO.HITZA.EUS-en, azken 7 egunean bisita gehien izan dituzten albisteak. ‘Pop espainiarra protagonista Aste Nagusiko kontzertuetan ’ Abuztuaren 12tik 19ra bitarte, Espainiako pop musika izango da protagonista Aste Nagusian. Donostiako talde bakarra ariko da –La Oreja de Van Gogh– Saguesen, eta euskarazko talde bat soilik –Gozategi–. Egitarauaren aurkezpenak sare sozialak astindu ditu. ‘Karmengo jai batzordeak salatu du Eusko Jaurlaritzak kaia erabiltzeko baldintza «betezinak» jarri dituela’ Eusko Jaurlaritzak jarritako oztopoak salatzeko jarduerak egingo dituztela iragarri dute. Jaiak babesteko eta jaien aldeko jardueretan parte hartzeko deia egin du Karmengo jaien batzordeak. ‘20 lanpostu publikotarako deialdia onartu du Donostiako Udalak’ 2016ko Lan Eskaintza Publikoa egiteko oinarri bereziak onartu ditu Donostiako Tokiko Gobernu Batzordeak. Hori dela eta, 20 lanpostutarako deialdia abian jarri du. Lanpostu berri horietatik bi elbarritasunen bat duten pertsonentzako izango dira. Deialdi librean atera diren plazak ondorengoak dira: 17 Gizarte Langile Teknikari, 2 Arkitekto Tekniko, eta Mugikortasun Goi Mailako Teknikari bat. Azterketak urrian edo azaroan izango dira. ‘Gizon bat atxilotu dute Parte Zaharrean emakume bat erasotzea egotzita’ 22 urteko gizonezko bat atxilotu du Ertzaintzak, larunbatean Parte Zaharrean emakume bati eraso egitea egotzita. Eusko Jaurlaritzako Segurtasun sailak azaldu duenez, erasoa 02:30etan gertatu zen emakumearen etxeko atarian. ‘Antiguako talde feministak #GukEzetz kanpainako bideo lehiaketa irabazi du’ Euskadiko Gazte Kontseiluak antolatutako Berdintasun ezari… #GukEzetz kanpainako bideo lehiaketa irabazi du Antiguako Txitxibitxiak talde feministak Gu feministak, zu zergatik ez? bideoarekin. ‘Larunbateko eraso matxista salatu eta elkarretaratzeko deia egin dute’ Parte Zaharreko eta Donostiako mugimendu feministak larunbat gaueko eraso matxista salatu eta elkarretaratzeko deia egin du. ‘Arraun Lagunakek trainerua aurkeztu du’ Gipuzkoako Traineru Liga hasi, eta biharamunean, Donostia Arraun Lagunakek emakumeen trainerua aurkeztu zuen Nautikoan.