Intxaur jaiak ospatuko dituzte asteburuan

Ekainaren 30etik uztailaren 2ra festa giroak ez du etenik izango; haur, gazte zein helduentzako programa prestatu dute.

Lide Ferreira

2017/06/27

Iazko Intxaur jaietako irudi bat. (Argazkia: Lide Ferreira)

2014an, Kaldero Jaun festak antolatzeari utziko ziola iragarri zuen jai batzordeak. Lekukoa belaunaldi berriek hartu zuten 2015ean, eta Intxaur Jaiak egin zituzten lehen aldiz. Ordutik, jai herrikoi, solidario, parekide eta parte hartzaileen alde egin dute Intxaurrondokoek. Azken horren isla da antolatu duten egitaraua: adin guztietarako jarduerak eskaintzen dituena. IRUTXULOKO HITZAk Intxaur jai batzordearekin hitz egin du, egiten ari diren ibilbidearen berri izateko. “Aurten, jai parte hartzaileagoak izatea lortu dugu. Eragile gehiagok hartu dute parte egitarauaren osaketan”, nabarmendu dute. Ostiralean egongo da irakurgai erreportaje osoa. INTXAUR JAIAK 2017 | EKAINAK 30 – UZTAILAK 2 Ekainak 30, ostirala

17:00-19:00. Haur eta gazteentzako jolasak, Intxaurrondoko gaztelekuak antolatuta.
19:00. Txupinazoa. Ondoren, ur zezenak eta buruhandiak.
22:00. Kontzertuak: Perros de Pavlov & Rukula & Pelax eta Telmo Trenor.

Uztailak 1, larunbata

12:00-13:00. Muxikoak, Xoxoteko bandaren eskutik.
14:00. Bazkari herrikoia. Txartelak: Zulo Zahar, Ilargi, Morotxita eta Eraztun tabernetan.
17:00-18:30. Herri kirolak.
18:30-21:00. Elektrotxaranga.
22:00. Kontzertuak: Ezen Balea & Ingo al deu.

Uztailak 2, igandea

11:00-12:00. Karate erakustaldia. Isamu-Shotokan karate taldea.
12:00-13:00. Bermuteke.
13:00-14:00. Otxotea.
17:30-18:00. Ur zezenak eta buruhandiak.
18:00-20:00. Txapela buruan eta ibili munduan. Eidabe antzerki taldea.
20:00. Auzoko rapa: Trikuharri.