Gipuzkoako Emakumeen Traineru Ligako laugarren jardunaldia jokatu dute Urumean

Malen Aldalur

2017/07/01

Gipuzkoako Emakumeen Traineru Ligako laugarren jardunaldia jokatu dute gaur Urumean. Seigarren postuan (12:12,42) geratu da Donostiarra eta zazpigarrenean Arraun Lagunak (12:16,09). Donostiarrak antolatu du laugarren jardunaldia, eta bihar Arraun Lagunak antolatuta egingo dute bosgarren jardunaldia, 11:45ean. San Joan geratu da lehenengo postuan (11:23,80), eta 10 segundoko zigorra jarri diote Hernaniri estatxa behar baino lehenago askatzeagatik. Honakoa izan da hurrenkera: San Joan (11:23,80), Hibaika (11:45,82), Orio (12:00,60), Hernani (12:09,02), Deusto (12:10,87), Donostiarra (12:12,42), Arraun Lagunak (12:16,09), Portugalete (12:39,32), Castreña (13:18,53) eta Lea- Artibai (13:19,27). Gizonezkoei dagokienean, KAE-1 ligak estropada bakarra izango du asteburuan. Bihar izango da, 12:00etan, Zumaian.