Letamaneko udako taberna egingo dute datozen asteotan

Lide Ferreira

2017/07/10

Traganarruak bilera egin zuen ostiralean, Intxaurrondoko Letaman gaztetxean. (Argazkia: Traganarruak kofradia)

Intxaurrondoko Gazte Asanbladak plangintza berezia prestatu du datozen asteotako. Izan ere, Letaman gaztetxea auzotarrei hurbildu eta sorkuntza espazio ireki bilakatu nahi dute. Hala, ostegun, ostiral eta larunbatetan egitarau zabala eskainiko dute. Ostegunak baliatuko dituzte tailerrak egiteko; ostiralak, berriz, kontsumoarekin izango dute harremana; eta larunbatak eragileentzako eguna izango dira. LETAMANEKO UDAKO TABERNA: Uztailak 13, 14 eta 15

Uztailak 13, osteguna. Bizikleta tailerrak, 18:00etan.
Uztailak 14, ostirala. Errekaleor bizirik hitzaldia, 18:00etan. Akabu taldearen kontzertua, 22:00etan.
Uztailak 15, larunbata. Antzerki tailerra, Hamaika Buelta antzerki taldearen eskutik, 18:00etan. Maita zera ere antzerki emanaldia, 20:00etan.