Txantxarrekako proposamenak: mojito txapelketa, kontzertu akustikoak eta zinema
Udan ez dute atsedenik hartu Txantxarreka gaztetxekoek. Antiguako gaztetxean badago zer ikusi eta zer egin uda honetan. Gaur bertan, asteartea, zineforuma egingo dute 21:30ean. Jim Carrey aktorea protagonista duen El numero 23 filma proiektatuko dute.
Asteazkenean Txantxarrekako II. Mojito Txapelketa egingo dute 20:00etan. Karibeko edari goxoa prestatzeko osagaiak gaztetxearen kontu, eta koktel ona prestatzea, parte hartzaileen kontu!
Eta igandean, zuzeneko musika. Trigger eta Terra Incognita taldeen kontzertu akustikoetaz gozatzeko aukera izango da 19:00etan.
