Sagueseko auzoak astebukaera honetan berreskuratuko ditu bere jaiak

13 urtez egon dira auzoko jaiak antolatu gabe. Jazzaldiko kontzertuak barneratuko ditu lehen aldiz jaietako egitarauak

Iñaki Agirre

2017/07/18

Sagueseko auzoa. (Argazkia: Nerea lizarralde)

Hamairu urtez festak ospatu gabe gelditu ostean, Sagueseko auzoak astebukaera honetan berreskuratuko ditu bere jaiak. Antxeta elkartearen 50. urteurrena dela eta, auzokideek festak ilusio betez antolatu dituzte aurten berriz, ekitaldiz beteriko programa batekin. Txupinazoarekin bat hasiko dira festak ostiralean, hurrengo astearterarte. Gauero eskainiko diren kontzertuekin batera, egitarauak era guztietako ekimenak dakarzki barnean: trikipoteoa, kantu jira, herri krossa, bola eta toka txapelketak… Umeentzako jarduera mordoa ere antolatu dute, programan erraldoiak, tailerrak eta txikienentzako ikuskizunak gehituz. Gainera, aurten 52. Heineken Jazzaldiarekin bat egiten dutenez, Sagueseko jaiek Monpaseko eszenatokian eskeiniko diren musika festibalaren hiru kontzertu barneratu dituzte bere egitarauean. UZTAILAK 21, OSTIRALA

19:00 Txupinazoa Antxeta Elkartetik.
19.30 Erraldoi eta buruhandiak.
19.30 Jazzaldiko kontzertua, SKY BEATS, Monpas eszenatokian (Antxeta gunea).
20.00 Trikipoteoa, Estangatarrek alaiturik auzoko tabernetan zehar.
23.30 Rock Kontzertua Monpasen, PLAN B eta SNOBS.

UZTAILAK 22, LARUNBATA

12.00 Patata tortilla lehiaketa Antxeta Elkartean.
12.00 Kantu jira Groseko Rikardo tabernan.
16.30 Haurrentzako tailerrak Okendo Kulturetxearen eskutik.
18.30 Jazzaldiko kontzertua, SKY BEATS, Monpas eszenatokian (Antxeta gunea).
22.00 Kontzertua, URBAN 13 kolektiboa.
23.00 Zezen suzkoa.
23:30 Rock Kontzertua Monpasen, HOLY NUNS eta GLORY HOWL.

UZTAILAK 23, IGANDEA

9:00 Diana udal txistulariekin auzoan zehar.
10:30 Auzoko zenduen omenezko elizkizuna Mariaren Bihotza elizan
11:00 Herri Krossa haurren parketik
11:00 Erraldoi eta buruhandiak Javier Bozal eta Arraiketai Txarangaren eskutik.
12:00 Barrikotea denontzat zabalgunean.
17:00 Haurrentzako marrazki lehiaketa Zabalguneko laukizuzenean.
18:30 Txokolatada laukizuzenean.
21:00 Kontzertu akustikoa Monpas eszenatokian, JAVIER SUN.
22:30 Zinea kalean, Groseko Txiringitoko terrazan.

UZTAILAK 24, ASTELEHENA

11:00 Barrene herrikoia Sagueseko frontoian.
13:30 Poteo herrikoia auzoko tabernetan zehar.
14:30 Elkarteko fundatzaileen bazkaria Antxetan.
17:30 Haurrentzako jarduerak Ibon Sarasolaren eskutik, laukizuzenean.
19:30 Bote txapelketa zabalgunean.
22:30 Jazzaldiko kontzertua, DESCARGA LIBRE, Monpas eszenatokian (Antxeta gunea).
23:45 Zezen suzkoa.
24:00 Disko gaua Monpas eszenatokian, JANOFREESTYLE #CASAJANO eta DJ LARGO.

UZTAILAK 25, ASTEARTEA

9:00 Diana auzoan zehar.
11:00 Ezkondu eta ezkongabeen arteko futbol partida Matigoxotegi zelaian.
12:00 Haurrentzako ikuskizuna Eriz Magoaren eskutik Monpas eszenatokian.
12:00 Toka txapelketa zabalgunean.
14:30 Elkarteen arteko anaitasun bazkaria Antxetan.
18:00 Haurrentzako antzerki eta musika ikuskizuna Standa Banda taldearekin, Monpasen.
19:30 Poteo herrikoia auzoko tabernetan.
21:30 Azken traka.