Realak Balaidosen hasiko du liga
Abuztuaren 18tik 21erako asteburuan jokatuko da lehen jardunaldia
Utzitako lekuan hasiko du liga Realak. Lehen jardunaldian, Balaidosen ariko dira txuri urdinak Celtaren aurka. Abuztuaren 18tik 21erako asteburuan izango da. Lehen euskal derbia Alavesen kontra jokatuko du Realak, zortzigarren jardunaldian.
Gaur goizean egindako zozketan, azken partidak zeintzuk izango diren ere iragarri dute. Txuri urdinek Bartzelonaren zelaian bukatuko dute liga.
Pasa den ligako azken partida maiatzean jokatu zuen Realak Balaidosen. Orduan, bina berdindu zuten eta Europa Ligan aritzeko txartela ziurtatu zuten.
