Udako saio akustikoak antolatu dituzte Guardetxean
Asteazkenean, hilak 26, Guardetxe Acoustic Sessions egitasmoa abiatuko dute Urgull magaleko gunean. Udan zehar zenbait bakarlari eta taldek kontzertu akustikoak eskainiko dituzte Guardetxeko terrazan, 17:00etatik aurrera. Sarrera borondatezkoa izango da, eta janaria zein edaria ez da faltako.
Hona hemen uztaileko eta abuztuko egitaraua:
- Uztailak 26, asteazkena. Lorelei Green eta Pj Kahuna & Sara Grajal.
- Uztailak 31, astelehena. Flor & Goiz Rebel eta Noosa Marshal.
- Abuztuak 2, asteazkena. Sara Zozaya eta Peruone.
- Abuztuak 7, astelehena. Loope eta Patricia Luna.
- Abuztuak 9, asteazkena. Beñaranks, Gustab eta Bu2ro.
