Aste Nagusiaren aurretik kirol txapelketak egingo dituzte Piratek
Uztailaren 31an egun guztian zehar hainbat kirol txapelketa antolatu dituzte Piratek Zuhaizti eskolan. Horrela, Aste Nagusi Pirataren aurretik “motorrak berotzen” hasi nahi dutela azaldu dute.
Palan, esku pilotan, futbolean eta saskibaloian jokatzeko aukera egongo da. Palan eta esku pilotan aritzeko binaka eman behar da izena eta bost euro ordaindu beharko dira; futbolean 6-8 pertsonako taldeak izango dira eta 25 euro ordaindu behar dira; eta saskibaloian 3-5 pertsonako taldeak osatu eta 15 euro ordaindu behar dira. Txapelketa guztiak mistoak izango dira eta 14 urtetik gorakoek hartu dezakete parte.
Lau tabernetan eman daiteke izena: La bodegilla, Platero, Belea eta Marruma.
