Aurtengo Gazte Olinpiadak Antiguako frontoian izango dira
Euskadiko Gazteria Kontseiluak parte hartzeko deialdia luzatu die 18 eta 30 urte bitartekoei
Urtero moduan Euskadiko Gazteriaren Kontseiluak Gazte Olinpiadak antolatu ditu, eta parte hartzeko deialdia aurkeztu dute. Kirola, parte-hartzea eta inklusioa uztartzen dituen jaia da. Aurten, irailaren 16an egingo dituzte olinpiadak Antiguako frontoian, 9:00etatik 15:00etara.
18 eta 30 urte bitartekoei zuzendurikoak dira Gazte Olinpiadak, eta helbide honetan eman dezakete izena. Antolatzaileen esaneran, parte hartzaileek kirolaz gozatu eta hausnartuko dute lagunartean. Kirol egokitua, pilota, parte-hartzea, tailerrak, sariak eta gehiago uztartuko dituzte. 
