Porrontxorekin eta Porrontxinarekin batera hasi da festa Egian

Malen Aldalur

2017/09/14

Egiako bizilagunak jaietan daude igandera arte. Arratsaldeko 5.30etan hasi dute festa haurren jaitsierarekin. Porrontxorekin eta Porrontxinarekin batera kalejiran pozik jaitsi dira haur eta helduak txarangak lagundurik. Bihar, berriz, gazte eguna ospatuko dute Egian. 14:30etan gazte bazkaria egingo dute plaza Berrin. 17:00etan gazte jolasak eta 20:00etan Eonian elektrotxarangarekin joango dira Polloera Intxaurrondori ongietorria ematera. Azkenik, 23:00etatik aurrera kontzertuak egingo dituzte: Kalera, Righteous way sound eta Drumkopters.