Urriaren 8an, igandean, izango da proba; bildutako dirua Aspanogi elkarteari emango diote.
Hiru Hondartzetako Krosaren aurkezpena. (Argazkia: Grupo Delta)
Udazkenaren etorrerarekin, lasterketa denboraldiko lehenengoa egingo dute igandean, urriaren 8an. Izan ere,
Hiru Hondartzetako Krosaren XXVIII. ekitaldia antolatu du Jakintza Atletismo Klubak, Grupo Deltaren babesarekin. Ondarreta hondartzatik 10:00etan abiatuko dira parte hartzaileak, eta 10 kilometroko ibilbidea egin beharko dute. Oraingoz, 1.300 lagun baino gehiagok eman dute izena, baina kopurua bikoiztea aurreikusten dute.
Aurten ere elkartasunezko dortsalak prestatu dituzte, baina oraingo honetan dirua Aspanogi elkartearentzako izango da. Izena ematerakoan, euro bat gehiago ordainduz gero, elkartasunezko dortsala eskuratu ahal izango dute lasterkariek. Jakintza Atletismo Klubak euro bakoitza bikoiztuko du.
Izen ematea, urriaren 6ra arte
Hiru Hondartzetako Krosean izena emateko 13,50 euro ordaindu behar dira, urriaren 6a baino lehen,
www.kirolprobak.com edo
www.cross3playas.com webguneetan. Dortsalik soberan egongo balitz, larunbatean, urriak 7, jarriko lituzkete salgai, Miramar jauregian, 20 euroren truke.
