Jantaloin jaia ospatuko dute Loiolan

Estitxu Zabala

2017/10/31

Inauterietan bezala, gaur ere mozorrotuta elkartuko dira kultur etxean. (Argazkia: Sustrai)

Ospakizun berezia egingo dute Sustrai aisialdi taldeko lagunek. Loiolako kultur etxean elkartuko dira haur eta gaztetxoak, eta Jantaloin jaia ospatuko dute, hainbat jarduerekin. Ipuinen ibilbidea egingo dute azaroaren 1ean, 18:00etan, kultur etxean barrena. Horrela, beldurrezko hainbat ipuin entzugo dituzte, eta jakingo dute Mexikon nola ospatzen duten animen gaua. Parte hartzeko ohar batzuk zabaldu dituzte:

Beldurra pasatzeko uneak egongo dira, ez dugu gehiegizko izua bilatzen, baina aipatu beharrekoa iruditzen zaigu.
Ekimena giro goxo batean egin nahi dugu. Hortaz, gehienezko partaide kopurua zehaztu dugu. Garaiz etortzea gomendatzen dizuegu, parte hartzeko aukera izateko.
Mozorrotuta etortzeko deia ere egiten dizuegu (etxeko arropa zaharrekin baldin bada, askoz hobe).

Azken bideoak