Kemenen bidez, 80 elbarri inguruk parte hartuko dute Behobia-Donostian

Estitxu Zabala

2017/11/09

(Argazkia: Kemen)

Kemen urtero arduratzen da elbarrien partaidetzaz Behobia-Donostia lasterketan: “Gipuzkoan kirol egokitua ikusarazteko dugun erakusleihorik onena da Behobia-Donostia”, aipatu zuten Kemenekoek lasterketaren aurkezpenean. Igandeko lehian, elbarrien irteera 9:45ean izango da, eta, kalkuluen arabera, handbike-eko lehena 10:18an iritsiko da. Momentuz, 80 lagun inguruko partaidetza aurreikusi dute:

Gurpildun aulkietan: 11
Handbike: 35
Ikurmen arazoak dituztenak: 10 (B1), 13 (B2)
Oinezkoak: 7
Patinatzaileak: 1

Makila, Julio Amigorentzat Julio Amigo Mansillari eman diote Boluntariotzaren Lourdes Zubillaga Kemen Saria. Behobia-Donostia lasterketan bera izaten da garraioaren arduraduna, horrela, berak koordinatzen du Kemeneko partaideen garraioa: gurpildun aulkikoak, ikusmen arazoak dituztenak, eta bestelako elbarritasunak dituztenak. Horretaz gain, nabarmendu dute boluntario gisa parte hartzen duela sentsibilizazio jardunaldi askotan. Oroigarri gisa Kemeneko makila eman zioten Amigori, eta eurekin lanean jarraitzea espero dutela adierazi zuten. Kemenek gaur egun 120 bazkide ditu eta kirol hauek eskaintzen ditu: eskia, mendia, atletismoa, txirrindularitza, mahai tenisa, igeriketa, tiro olinpiarra, golfa, slaloma eta boccia.