Dominak lortu dituzte donostiarrek Benta Berriko ergometro txapelketan

Estitxu Zabala

2017/11/21

Urkiko Koxme Burutaran, urrezko dominarekin, Kaiku eta Getxoko arraunlariekin podiuma osatzen. (Argazkia: Ur-Kirolak)

Benta Berriko kiroldegian urteroko ergometro txapelketa antolatu zuen Concept 2 enpresak. Leku eta adin ugaritako 500 arraunlari inguruk bat egin zuten, larunbat arratsaldeko proban. Sarituen artean donostiar askok lortu zituzten dominak; tartean nabarmentzekoa da Egiako arraunlari Imanol Garmendiak urrezko domina lortu zuela. Zehazki, 2.000 metroko proba egin zuen Garmendiak, 19-29 urtekoen artean, pisu arinean. Orioko arraunlaria da gaur egun. Gainontzean, hauek izan ziren Donostiako klubetako ordezkariek egindako lorpenak: UR-KIROLAK

Arraunlari hauek urrezko dominak lortu zituzten: Arene Lakoste (13-14 urtekoak – 1.000 metro), Ander Balda (13-14 urtekoak – 1.000 metro) eta Koxme Burutaran (17-18 urtekoak – 2.000 metro)
Beñat Santosek brontzezko domina lortu zuen (0-12 urtekoak – 2 minutu).
Ur-Kirolaken hasi dira, aurten, gainera Berdin-Berdinak elkartekoak, eta haien lana nabarmendu dute Urkikoek.

ARRAUN LAGUNAK

Zilarrezko domina lortu zuten Ion Antak (0-12 urtekoen artean-2 minutu) eta Marimar Epalzak (40-49 urtekoak, pisu arina – 2.000 metro).
Beñat Aranburuk brontzezko domina jantzi zuen (13-14 urtekoak – 1.000 metro).

Emaitza guztien zerrenda kontsultatu daiteke.

Azken bideoak