Euskaraokea eta bertso bazkaria egingo dituzte Martutenen

Estitxu Zabala

2017/11/28

Benta Zaharreko mutiko alaiekin kantujira egin zuten joan den asteburuan. (Argazkia: Sarroeta Auzo Elkartea)

Euskararen Egunaren aitzakian, egitarau oparoa osatu dute Martutenen, adin guztietako auzotarrentzako. Joan den asteburuan kantujira egin zuten auzoan barrena, Benta Zaharreko mutiko alaiekin batera. Aste honetan ere izango dute zertaz gozatua, euskaraokea eta bertso bazkaria barne. Antolatzaile lanetan izan dira Sarroeta Auzo Elkartea, Martuteneko Euskara Batzordea eta Arantzazuko Ama ikastola. Hemen egitaraua: Azaroak 28, asteartea

18:00. Txapa tailerra, Gaztelekuan.

Azaroak 30, osteguna

18:00. Euskal mahai jolasak ezagutzen, Gaztelekuan.

Abenduak 1, ostirala

Erreka Mari antzezlana. Txotxongilo taldea, 4-11 urte bitarteko haurrentzat. Etxarrrieneko areto nagusian.

Abenduak 2, larunbata.

17:00. Familiarekin jolasean: Euskaraokea. 5-11 urte bitarteko haurrak eta familiak. Haurtxokoan.

Abenduak 3, igandea.

12:00. Martuteneko ikasle euskaldun eleaniztunak bideoaren aurkezpena. Auzoko protagonistekin egindako bideoa. Etxarrienen.
12:30. Kalejira trikitilariekin. Etxarrienetik.
14:30. Bertso bazkaria: Agin Laburu eta Sustrai Colina bertsolariekin. Songin zulo elkartean.