Lapurreta egin dute Añorgako gaztetxean

Malen Aldalur

2017/12/01

Atea hautsi dute. (Argazkia: Añorgako gaztetxea)

Berriz ere lapurreta egin dute gaur goizean Añorgako gaztetxean. Asanbladako kideek jakinarazi dute 08:00etan gaztetxeko atea apurtuta aurkitu duela asanbladako kide batek. Salatu dute gaztetxea goitik behera miatu dutela eta dena “hankaz gora” utzi dutela. “Antzokira sartu dira, zegoen diru gutxia eraman dute, gehiena gainera taldeen CDen salmenten dirua”, azaldu dute. Bestalde, adierazi dute “kokoteraino” daudela jasaten ari diren erasoekin. Izan ere, ez da lapurreta egiten duten lehen aldia, irailak 5eko gauean ere egin zuten. “Utzi Gune Autogestionatuak bakean! Utzi Añorga bakean!”, azaldu dute.