Boluntarioen eguna ospatzeko, begirada bilduma bat
Sareginez plataformak bere boluntario eta partaideei eskerrak emateko bideo bat osatu du.
Boluntarioen Nazioarteko Eguna da gaur, abenduak 5. Bada, Sareginez plataforma osatzen duten elkarteek, euren partaide eta boluntarioen eguneroko “parte hartze eskuzabala eta duten begirada ezberdina eskertzeko”, begirada bilduma bat osatu dute.
Sareginez plataforma sare bat da, eta bertan daude gizartearen onurarako programak burutu eta boluntariotza ardatz duten Gipuzkoako irabazi asmorik gabeko elkarteak; tartean, Alboan, Atzegi, Aspace, Gurutze Gorria, Caritas Gipuzkoa, DYA Gipuzkoa, Euskadiko Gazteriaren Kontseilua, Haurralde Fundazioa, Hezkide Eskola, Hurkoa Fundazioa, Katubihotz eta Gizalde. Helburu nagusia da gizartearen boluntariotza sustatzea, erakustaraztea eta boluntariotza duten elkarteei laguntza eskaintzea.
