Skakeitan musika taldeak 'Galera Beats' kaleratu du
Galera diskoarekin esperimendu bat egin du Skakeitan talde donostiarrak: “Zortzi ekoizleren eskuetan utzi dugu, eta gure musika beraiek lantzen dituzten eremuetara eraman dute. Pasada bat izan da beraien eskuetan jarri eta elkar ezagutzea!”. Horrela, Skakeitanen kantak erabili dituzte beste atmosfera batzuk sortzeko eta horrela osatu dute Galera Beats, zazpi nahasketek osatzen duten bilduma. Hauek egin dituzte bertsioak: Limite Zero, Rinconada, Jesus Untuned, DJ PlanB, Ley DJ, David Van Bylen, Ruben Caballero eta David Kano.
Taldeak azaldu duenez, Spotify eta Youtuben (behean leihoa) eskuragai dago lana, eta euskarri fisikoan Durangoko Azokan bakarrik jarriko dute salgai.
