'Handia' filmak hamahiru hautagaitza jaso ditu Goya sarietarako

Inaxio Esnaola

2017/12/13

Altzoko ‘Aundiya’.

Hamahiru sailetan izendatu dute Jon Garaño donostiarraren eta Aitor Arregi zuzendarien Handia filma. Goya sarietarako hautagaitza gehien jaso dituena da. Otsailaren 3an banatuko dituzte. Ondorengo kategoriatan eskuratu dezake saria: pelikula onenarena, zuzendari onenarena (Arregi eta Garaño), jatorrizko gidoi onenarena (Arregi, Andoni de Carlos, Garaño eta Jose Mari Goenaga), jatorrizko musika onenarena (Pascal Gaigne), aktore berri onenarena (Eneko Sagardoi), produkzio zuzendaritza onena (Ander Sistiaga), argazki zuzendaritza onena (Javier Agirre Erauso), muntaketa onena (Laurent Dufreche eta Raul Lopez), zuzendaritza artistiko onenarena (Mikel Serrano), jantzi diseinu onena (Saioa Lara), makilaje onena (Ainhoa Eskisabel, Olga Cruz eta Gorka Agirre), soinu onenarena (Iñaki Diez eta Xanti Salvador) eta efektu berezi onena (Jon Serrano eta David Heras). Bestalde, Juanba Berasategik zuzenduriko Nur eta herensugearen tenplua pelikulak, animaziozko film onenaren hautagaitza lortu du.

Azken bideoak