Txapelketaren aurkezpena egin zuten udaletxean. (Argazkia: Donostiako Udala)
Kadete mailako 32 saskibaloi taldek parte hartuko dute Kia Novocar Askatuak Cup-en. Bigarren urtez antolatu dute txapelketa, eta bi kiroldegitan jokatuko dute: Benta Berri eta Pio Baroja. Guztira 400 neska-mutil bilduko ditu lehiak, abenduaren 27tik 29ra. Euren kirol zaletasuna partekatzeaz gain, hiriaz gozatzeko aukera izango dutela diote antolatzaileek.
Guztira, 21 klubetako taldeek parte hartuko dute. Mutilenak izango dira 16 talde, eta beste 16 neskenak. Talde guztiek lau partida jokatuko dituzte, eta finaletara iristen direnek bosgarren partida bat ere jokatu beharko dute. Euskal taldeen artean egongo dira Donostiako Askatuak, Beasaingo BKL, Gasteizko Saski Baskonia, eta Errenteria-Oreretako Oiarso SBT. Horietaz gain, urrutiagoko taldeak ere hurbilduko dira hirira: Club Nautico (Sevilla), CD Lourdes eta CD San Agustin (Valladolid), CD Brains eta AD Villa de Algete (Madril), CD Baloncesto Binefar (Huesca), AE Badalones, CN Terrasa (Bartzelona)…
Hiruko jaurtiketen txapelketa
Hiruko jaurtiketen txapelketa egingo dute lehenengo aldiz; abenduaren 28an jokatuko dute kanporaketa, eta finala, abenduaren 29an.
Askatuak Saskibaloi klubeko 40 boluntariok lan egingo dute txapelketan. Txapelketa jarraitzeko Kia Novocar Askatuak Cup 2017 APP-a dago eskuragarri jarri dute mugikorretarako. Horretaz gain, Twitter bidez ere txapelketaren nondik norakoak ezagutzeko aukera egongo da, #KiaNovocarAskatuakCup2017 traola erabilita.
