Euskara eta parekidetasuna nabarmendu ditu Maialen Lujanbiok Anoetan

Malen Aldalur

2018/01/15

Maialen Lujanbio bertsotan, Anoetan. (Argazkia:@xabiergoros)

Realaren eta Bartzelonaren arteko partidaren ohorezko sakea egin zuen atzo Maialen Lujanbio Bertsolari Txapelketa Nagusiko txapeldunak, gainerako bertsolari finalistak ondoan zituela. Anoeta futbol zelaia baliatu zuen Lujanbiok euskara kirolean ere erabiltzearen aldeko mezua, parekidetasuna eta beste hainbat balio aipatzeko. Realeko jokalariez eta zaleez gain, adi entzun zuten Lujanbioren bertsoa Bartzelonako jokalariek ere, eta Lionel Messi taldeko kapitaina txapelduna agurtzera hurbildu zen. Lujanbioren bertsoa: Baloiaren (e)ta hitzaren gintzak nahiz (e)ta ez diren berberak, lehiaren gaindi sustatuz gero balioak ta manerak, bultzatuz gero neska-mutilen kirolerako aukerak, futbol izar (e)ta zaleen ahotan lekurik badu euskarak zuen zangoek (e)ta gure oinek hortxe egingo dute bat.

Azken bideoak