Hiritar Merezimenduaren Dominak banatu dituzte

Inaxio Esnaola

2018/01/19

Paul Zubillaga medikuak, Ponsol Etxeak, Izan Norbera fundazioak, Intxaurdi Kirol Elkarteak eta Club Gimnasia Ritmica Donostik jantzi dituzte aurtengo Hiritar Merezimenduaren Dominak. Ordubete inguruko ekitaldia egin dute Donostiako udal batzar aretoan. Esker ona adierazi die lehenik Eneko Goia alkateak. Banan banan, eskerrak itzuli dizkiote berari, botoa emandako herritarrei eta aretora hurbildutakoei. Manuel Matxainek idatzitako bertsoen pasarte batekin bukatu du diskurtsoa Goiak. Duela 26 urte Matxainek domina jaso zuen, eta esker onez ondorengo hitzak idatzi zituen. Donostiako Udaletxeak daukan gela ederrian, omendu danok gertatu giñan zerbait esan bearrian. (…) ez gendun uste ainbeste maite ginduztenikan errian. (…) Alkate jaunak guri medaila ipiñi zigun orduan, ainbeste lagun, ainbeste txalo entzunik gure onduan, zeruko ate danak zabal zirala uste genduan (…) Bakar batzuek ikusia naiz mundu ontako bazterrak, baina iñon ez guk txoko ontan dauzkagun bezin ederrak. Hona hemen jarraian ekitaldiaren irudi galeria.