Gehiago erabili da autobusa San Sebastian egunean.
Dbusek azaldu duenaren arabera, autobusen erabilerak errekor historikoa lortu du. Guztira, urtarrilaren 19tik, ostirala, 20ra, larunbata, 194.945 bidaia (behin-behineko datua) erregistratu dira Dbuseko autobusetan. Horrek esan nahi du pasa den urtean erregistratutako 181.513 bidaiarekin alderatuta ia-ia %7,4ko igoera gertatu dela.
Dbusek zerbitzu gehigarriak jarri zituen auzo guztietarako lineetan 19ko arratsaldetik, bandera igoeraren aurretik, eta gau guztian zehar 20ko zerbitzuak hasi arte. Zerbitzuak ere indartu egin ziren 20eko goizean haur danborradagatik eta 20ko arratsalde-gauean, goizaldeko 4:00ak arte, bandera jaitsieraren ondoren.
Igoera hiriko linea guztietan eman da, eta hauek izan dira gehien erabili direnak:
– 13-ALTZA: 24.237 bidaia.
– 28-AMARA-OSPITALEAK: 23.664 bidaia.
– 5-BENTA BERRI: 21.514 bidaia.
– 26-AMARA-MARTUTENE: 11.664 bidaia.
– 17-GROS-AMARA-MIRAMON: 10.387 bidaia.
