Udaltzaingoak bi agente omendu ditu egindako lan ibilbidearengatik

Irutxuloko Hitza

2018/02/06

(Argazkia: Donostiako Udala)

Ekitaldi ugari antolatu ditu Donostiako Udaltzaingoak bere eguna ospatzeko. Jose Antonio Etchart agente lehenak eta Eduardo Nogues Udaltzain agenteak Urrezko domina jasoko dute. Etchartek erakundearen sistema informatikoa eta komunikazioa hobetzea eta modernizatzeagatik jasoko du. Noguesek, berriz, Aquarium inguruan arroketara eroritako hiritar bat salbatzerakoan adierazitako ausardiarengatik. Bestalde, Adolfo Luzuriaga Txispas-ek domina jaso du Udaltzaingoak egiten duen lanaren zabalpena egiteagatik. “Udaltzaingoarentzat hain berezia den eguna ospatzeko ekitaldi hau une ezin hobea da udaltzainek egiten duten lana goraipatzeko, aipamen berezia eginez Urrezko Domina jaso duten bi kasu horiei”, adierazi du Martin Ibabe Herri Segurtasuneko eta Herri Babeseko zinegotziak. Urrezko dominak emateaz aparte, beste hainbat ekitaldi antolatu ditu Udaltzaingoak. Hala nola, Jose Manuel Etxanizen Los que fueron: alguaciles, serenos, celadores… hitzaldia, 1886ko Udaltzaingoaren araudiaren eta XXI. mendera arte biltzen duen argazki liburuaren aurkezpena, eta 2017an erretiratu diren agenteei dominak banatzeko ekitaldia. Era berean, Udaltzaingoaren egunak txikienentzako keinua izan zuen pasa den larunbatean. Agenteen seme-alabei zuzendutako jaia antolatu zuten, beraien gurasoen lan lekua ezagutzeko aukera emanez.