Nerabe taldeak lehen bideoklipa aurkeztu du
Udaberrian argitaratuko du Donostiako Nerabe pop-rock taldeak Toki On lehendabiziko diskoa. Iaz lehen aurrerapena aurkeztu zuten, eta harrera ona izan zuen. Orain Starting point izeneko bigarren kantua aurkeztu dute bideoklip baten bidez. Aitor Zarzuelo lasartearrak zuzendu du.
Boskoteak kontzertu bira txiki bat egingo du, abestiak zuzenean aurkezteko. Eibar, Bilbo, Elorrio, Lizarra eta Tolosa bisitatuko dituzte. Sara Zozaya (ahotsa eta teklatuak), Ruben Ramos (gitarra eta teklatuak), Borja Iriarte (bateria), Xabier Arratibel (gitarra eta teklatuak) eta iñigo Ozaeta (baxua) musikariek osatzen dute.
