Inauterietan murgilduko dira Bidebietan
Inauterietako desfilea egingo dute Bidebietan larunbatean. Donostian jada inauterietako jaia igaro den arren, asteburuan euren mozorro onenak soinean hartu eta auzoan barrena jai giroa zabalduko dute Bidebietakoek. Mozorrotzeaz gain, zerbait horia janztera animatu dituzte auzotarrak, Bidebietako Institutuaren aldeko keinua egiteko.
Hain zuzen, 17:00etan irtengo dira konpartsak: Alegria de Alza, Euforia, Fama, Furius, Mystick, Santa Barbara, Thamessis, Titanes eta Txassis. Momo jainkosa eta bere segizioa ere han izango da.
Gomendatu dute autoarekin auzotik 16:30ak baino lehen ateratzeko.
