Flamenkada egingo dute larunbatean Zuhaizti ikastetxean
Donostiako Piraten urteko asanblada handiena egingo dute larunbatean, Flamenkada. 10:00etan elkartuko dira Zuhaizti ikastetxean eta dei egin diete piratei bertan parte hartzera.
“Erronka ederra jarri diogu geure buruari: denon ideia eta proposamenak biltzen dituen diagnostikoari helduz, aurrera segitzeko erabakiak hartu eta bideratzea”. Mugimenduaren norabidea indartuko duen “timoia hartzeko nahia eta adorea” duen oro gonbidatu dute sare sozialen bitartez asanbladara.
