Pentsio publikoek bizitza duin bat berma dezaten eskatuko dute larunbatean

Malen Aldalur

2018/03/13

Larunbateko mobilizazioa iragarri dute. (Argazkia: Malen Aldalur)

Pentsio publikoek bizitza duin bat bermatzea nahi dutela aldarrikatuko dute adineko pertsonen hainbat elkartek eta mugimenduk larunbatean. 18:00etan elkartuko dira Alderdi Ederren. Salatu dute gobernuak pentsioen arloan hartutako neurriak “finantza botereen pentsioak betetzera bideratuta” daudela, eta finantza botere horien helburua “pentsio pribatuak handitzea” dela. Bestalde, gogorarazi dute %1,2 igo zela iaz kontsumo-prezioen indizea (KPI) eta aurreikuspenen arabera, %3,1 haziko dela aurten. Horren aurrean pentsioak %0,25 soilik igotzea salatu dute. Gaineratu dute gezurra esan dietela. “Gezurra esaten digute esaten digutenean gaur egungo pentsio sistema publikoa iraun ezina dela, bizi itxaropen handiagoa duten gero eta pentsiodun gehiago daudelako, eta kotizatzen duten langile aktibo gutxi daudelako”. Izan ere, uste dute ez dela arazo tekniko bat, erantzukizun politikoa baizik. Hori dela eta, larunbatean hiriburuetako kaleak hartu nahi dituzte gutxieneko 1.080 euroko pentsioak eskatzeko.

Azken bideoak