Anoetako abonamenduen prezio berriek zaleen haserrea eragin dute

Iñaki Agirre

2018/03/15

Obrak amaitzerakoan zelaiak izango duen itxura. (Argazkia: Reala)

Anoetaren birmoldaketa lanak aurrera doaz eta datorren denboraldirako estadioaren hiru laurdenak zaleak jasotzeko prest edukitzea aurreikusten du Realeko zuzendaritzak. Gauzak horrela, estadioaren harmailen egituraren berrantolaketa eta 18-19 denboraldirako abonamenduen prezioaren berri eman du talde donostiarrak. Jakina zen bezala, birmoldaketa lanak amaitzerakoan harmailen egiturak egungoarekin zer ikusirik ez du izango, hauek zelai-jokoraino iritsiko baitira atletismo pistarik gabe. Aldaketa hauekin bat, Aitor Zabaleta animazio harmailaren sorrera iragarri zuen Realak otsailean. Estadioaren birmoldaketak, ordea, euri egunetan zaleak bustitzea ez du ekidingo, Begoña Larzabal klubeko marketin arduradunak atzo adierazi zuenaren arabera. Egitura aldaketekin batera, datorren denboraldirako igorritako abonamenduen kategoria eta prezio berriek zale askoren haserrea eragin dute gainera. Izan ere, klubak aldaketa hauek “gaur egungo bazkideen segmentaziora egokitzeko” egin dituela adierazi badu ere, sare sozialetan prezioen igoera garrantzitsua salatu dute realzale askok. Horrek 40.000 eserleku izango dituen estadioa betetzea are gehiago zailduko duela nabarmendu dutenak ere badira, Larzabalek klubak 30.000 bazkideetara iristea aurreikusten dutela adierazi duen bitartean.

Badirudi larunbatean Anoetan lan bikoitza dugula protesta moduan bazkideok: Lorenen kanporatzea eta abono berrien prezioa salatzea. Doble quehacer el sábado en Anoeta: tema Loren y el nuevo y parece ser que exagerado precio de los abonos. ¿Se nos oirá? ¿Protestaremos de verdad?
— txema (@txema111191) March 15, 2018

Viendo estos precios la estrategia del club es clara: aglutinar a la gente en los fondos en vez de en las tribunas laterales. No se quién ha sido el iluminado, pero yo por ejemplo paso a pagar 200€ más al año. Así desde luego no vamos a llenar #Anoeta #realsociedad pic.twitter.com/R3EZoy3iRb
— IkerOker (@IkerOkerr) March 14, 2018

Las subidas de abonos son necesariamente el empujón que necesitaban muchos para dejar de ir a Anoeta. Yo no entiendo como se puede hacer eso en este momento y en esas cantidades desorbitadas.
No se si quieren acabar con la Real pero desde luego lo parece.
— KarmaKoma (@Karma36Koma) March 14, 2018