Donostian bertsolaritzaren kultura sustatzeko helburuarekin, gai-jartzaile ikastaroa antolatu du Bagera euskaltzaleen elkarteak. Gutxieneko irizpideak dituzten pertsonen multzoa handitu nahi dutela diote, eta erraztasunak eman nahi dituztela formatu txikiko bertso saioak ugaritu daitezen.
Iker Iriartek gidatuko du ikastaroa, eta lau saio izango ditu (apirilak 19, apirilak 26, maiatzak 3 eta maiatzak 10), 2 ordu eta erdikoa saio bakoitza (18:30etik 21:00etara). Bagera elkartearen egoitzan izango da ikastaroa (Hernani kalea, 15). Izena emateko telefonoz dei daiteke: 943 00 50 74, edo posta elektronikora idatz daiteke:
bagera@bagera.eus
Apirilaren 13a arte eman daiteke izena, 35 euroren truke (bazkideak, ikasleak eta langabetuak: 25 euro).
