Gaztelekuen arteko olinpiadak eta 'Gazte kolore fest' egingo dituzte Martutenen

Irutxuloko Hitza

2018/04/03

Gaztelekuen arteko olinpiadak egingo dituzte apirilaren 6an goizean Martutenen, zortzigarren urtez jarraian. Horrez gain, aurten 12 eta 17 urte arteko gazteentzat kolorez eta jardueraz betetako festa bat ere antolatu dute, Gazte kolore fest. Azken hau, 17:00etatik 20:30ak bitarte egingo dute Arantzazuko Ama ikastolako jolastokian. Bertan, jarduera hauek egiteko aukera egongo da: • Bodypaintinga • Malabare eta akrobaziak, Xomorro Taldearen eskutik • Perkusio tailerra • Bideo jolasen txapelketak pantaila erraldoian • Futbol-kolore txapelketa • Konexio gunea eta selfie lehiaketa • Zumba-Funky saioa, Bamboo Dance School-en eskutik • Olinpiaden sari banaketa • Holi Fest Gainera, arratsalde guztian zehar Jon Urbieta DJak bere musikarekin girotuko du jaialdia.